Baada ya kimya cha muda mrefu cha mashabiki wa muziki wa bongo flava nchini Tanzania wakimtaka msanii Darassa ambaye mwishoni mwa mwaka jana aliachia wimbo wa "MUZIKI" aliomshirikisha Ben Pol, ambao ulikuja kuwa wimbo wa taifa huku ukishika umaarufu kwa watu wa rika zote, watu wa kawaida, viongozi wa siasa, kuchezwa kuanzia bar, clubs mpaka kumbi za starehe, ndani na nje ya nchi na kumpatia mkwanja wa kutosha kutokana na 'tour' mbalimbali Afrika ya Mashariki, sasa amekuja na wimbo mpya.
Darassa ameamua kuachia wimbo mpya unaokwenda kwa jina la "Hasara Roho" ambapo kama kawaida umefanywa kwa ushirikiano wa watayarishaji watatu, mwenyewe anawaita 'family,' ABA PROCESS, MR. VS na MR. T TOUCH.
Video pia imefanywa na mtu wake wa karibu kitambo kwenye gemu, muongozaji HANSCANA ambapo inaonekana wamesafiri mpaka visiwani Zanzibar na kuifanyia video hiyo.
Itazame hapa kwa mara ya kwanza video hiyo na utafakari kama ataweza kuzifikia 'level' za wimbo wa 'Muziki.'
Comments
Post a Comment