NANDY ANATUKARIBISHA KUTAZAMA 'VIDEO' YAKE MPYA YA 'ONE DAY'

Imeandaliwa na Trend

Mwanamuziki mwenye sauti ya kumtoa nyoka pangoni kwenye tasnia ya muziki wa Bongo Flava nchini Tanzania, Nandy, anatukaribisha kutazama 'video' ya wimbo wake wa 'One Day'. 

Kwa wengi tumemfahamu msanii huyu kupitia wimbo wa 'Gusa Gusa' aliouachia mara baada ya kuibuka mshindi wa pili katika shindano la 'Tecno Own the Stage' na kujishindia kitita cha dola za Kimarekani 15,000 pamoja na kunolewa kimuziki chini ya label ya Chocolate City ya nchini Nigeria, 

Katika 'video' hii Nandy anaonekana akiwa amezama mawazoni akielea kwenye mawazo ya kuwa na mwanaume mtanashati ambaye yupo kufanya jambo lolote ili mradi awe naye.

Nandy anatuchanganya kidogo kwenye hii 'video' kwa sababu wanaonekana wanaume wawili, ndani ya nyumba na nje kwenye bustani akifanya mazoezi mepesi. Sasa sijui ni yupi ambaye yeye anampenda? 

Video imefanyika katika mandhari ya nyumbani huku sehemu kubwa ikiwa ni sebuleni ndani ya nyumba na kwenye bustani ambapo anaonekana huyo mwanaume anayefanya mazoezi mepesi.

Sehemu inayovutia zaidi ni pale karibia na mwishoni ambapo Nandy na yule mwanaume aliyeonekana kwenye bustani wakicheza kwa ustadi mkubwa kabisa na kuvutia. Kama wanataka kumalizia kucheza hivi, anatokea yule mwanaume aliyekuwa akionekana ndani ya nyumba, anaonekana kama hajapenda kile kitendo, Nandy akiwa kati, akiwa kama kujaribu kuzuia chochote kisitokee. 

Nadhani kunaweza kukawa na muendelezo wa hii 'video', karibu uitazame hapa chini ikiwa imeongozwa na mtayarishaji 'DESTRO.' KARIBU