Msanii Ali Kiba hatimaye ameachia video ya wimbo wake wa 'Aje Remix' ambao ndani yake kuna 'verse' ya msanii wa Hip-Hop na bosi wa lebo kubwa ya muziki ya Chocolate City, M.I. au M.I. Abaga kutoka nchini Nigeria.
Kilikuwa ni kilio cha muda mrefu kwa washabiki wa msanii huyo kuachia 'video' ya wimbo huo ambao amemshirikisha M.I. baada ya kusambaa awali ambapo sauti yake ilisikika lakini akaachia 'audio' na 'video' akiwa peke yake.
Katika 'video' ya wimbo huu uliofanywa na kampuni ya JM Films Production, Ali Kiba anaonekana akiwa na msichana mrembo wakiwa wanacheza kwa namna mbalimbali za kuvutia kwenye ukumbi wakiwa wawili tu na baadae inasikika sehemu aliyo-rap M.I ambapo Ali Kiba anafuatilizia mashairi yake bila ya yeye mwenyewe kuonekana.
Kinachonivutia katika video hii ni namna Ali Kiba na yule msichana walivyojiachia wakioneshana ufundi wa kucheza kwa namna tofauti tofauti. Kingine kinachovutia zaidi ni rangi mbalimbali zinavyomulika kwenye ule ukumbi, naamini na wewe utaifurahia ukishaitazama hapo chini:
Comments
Post a Comment